黄埔古港有间老字号农家菜,炭烧走地鸡、虾蛎、禾虫、样样经典,连电视台都有一班粉丝!

玩转广州 2019-01-15 06:20:39

周末一班食货外寻食,

突然好想食烧鸡,但又吾想行太远,

有朋友推荐黄埔古港的正记,

之前係朋友圈都经常睇到关于距嘅食评
仲上过好几个电视节目,而且都话几正宗


正记究竟有几惹味?

一于去食过先知啦!


黄埔古港,周边都係农家菜餐厅,

大大细细都有十来间,但都经常换老细,

为独呢间开咗十几年嘅老字号!一直没变。


人气口碑极高!

“正记”虽然係古港较深嘅位置,但係生意真係火爆,

有些特别的食材係要事先电话约定先有得食。

就连当红嘅主持人都过黎排队稳食!

肯定系有D野啦!

广州电视台主持人(安神和珍珠)与正记老板合影。


店内虽然没有华丽的装修

但有着良好的口碑

吸引着一批又一批的新老顾客过来品尝。


农家园林feel
身处大自然之中,烧鸡、河鲜


餐厅的旁边就是蕉林,农家园林十足~

身处大自然之中再整件烧鸡,

瞬间咩压力都唔见晒~

人生快意莫过如此!


呢间店有咩特色?

主打天然农家菜 +特色粤菜

好啦!马上介绍距地的镇店之宝!




正记特供美食
招牌系列


几乎每围台必点的“炭烧走地鸡”


做烧鸡嘅师傅将花椒、蒜蓉、沙姜、洋葱等

腌料塞到鸡肚入面,仲要腌足一日入晒味,

先至可以摆落炭炉入面烧,新鲜滚热辣出炉!



鸡皮,薄到透光。

鸡肉,汁水淋漓。



整鸡上,体验“手撕鸡”嘅感觉,过瘾

烧鸡皮酥脆,肉质嫩滑,芳香四溢,

真喺正到冇朋友!



正记嘅炭烧排骨,烧出黎嘅色泽均匀,

一啖咬落去,肉质酥软!

再加埋D酱汁,真喺无法拒绝嘅诱惑!


香芋正鹅


用六七斤重的鹅同香芋一齐蒸!

每啖鹅肉都渗透住香芋嘅香甜,

香芋又夹带住鹅肉嘅肉香,非常入味!


田螺鸡煲


走地鸡,同田螺、甜笋、生姜、紫苏等材料一齐焗熟。

田螺肉咬起身爽口又弹牙,走地鸡又鲜又嫩滑,

两种鲜甜碰撞埋一齐,真喺令人回味无穷啊!


河鲜系列
正记嘅河鲜同样好受欢迎!


螃蜞粥

在广州又叫做“螃蜞”,又称之为“河蟹”“虾蛎”~

用粥水煮沸把“虾蛎”放入,鲜味无穷!


椒盐虾蛎

虾蛎加埋花椒粒同蒜头粒一齐爆炒入味,

香气四溢,又香又辣!

送酒一流,够晒惹味!



虾蛎膏炒饭

用虾蛎嘅膏黎炒饭,粒粒金黄!

要用几多虾蛎膏先可以炒到咁嘅颜色,

入口果阵浓郁嘅香味,

粘糯嘅口感,大大嘅满足!



虾蛎膏蒸蛋


一啖摆落口,虾蛎膏嘅鲜甜喺嘴入面慢慢散开,

口感好丰富,浓郁鲜甜,老细真喺识得食啊!


禾虫煎蛋


禾虫有丰富嘅蛋白质同埋维生素,酒楼都好少食得到了。
每日限量供应,黎早有黎迟想食都冇。
禾虫原汁原味嘅鲜甜搭配蛋嘅嫩滑清香,十分可口~



招牌田炆鱼


田炆鱼用油稍炸过之后,再落蒜蓉、姜等一齐炒。

记得趁热吃,又酥又香又可口,口感真喺一流!

白灼河虾


敢白灼就证明D河虾够晒新鲜啦,

keep住咗河虾嘅鲜、甜、嫩!

入口嘅果种白灼独有嘅口感真喺冇得弹啊!正!


蒜蓉蒸黄沙大蚬


大蚬,肉厚鲜美,鲜甜中带点粗狂,

每个大蚬入面都铺满晒D蒜蓉、姜粒、辣椒丝等。

一啖咬落,蚬肉D汁都爆晒出黎,

真喺原汁原味!


炒田螺


新鲜采购的田螺,静养去泥,下锅前,老板还要加多一道工序,耗时1小时的亲手秘制煮螺,为的是充分释放田螺的味道,油锅热后加入姜蒜,紫苏,花椒,八角


酥炸鱼青丸

外皮炸到金黄酥脆,里面是粒粒新鲜纯鱼肉!

平常吃得鱼青丸都用上汤浸泡的,

油炸的鱼青丸别有一番风味的。


食嘅时候搭配酸甜酱,好香口,够酥脆!

一啖咬落去,入边嘅鱼肉好弹滑!


酥炸虾丸


虾丸喺每日新鲜手打,粒粒纯虾肉,

爽口弹牙,拍得住星爷嘅濑尿牛丸喔,

基本每台都会点一碟!



一定要搭配酸甜酱,食得好过瘾!


吊烧禾雀

烧禾雀很少见,卜卜脆得黎又有少少香辣,

食起黎满嘴流香,真喺好过瘾!


禾雀经过一番工序腌制、风干、刷脆皮、再风干

先可以摆落吊烧炉入面慢慢烤。

再落D姜粒、葱碎、辣椒丝等一齐爆炒!

够香够酥脆,好味!


椒盐蚕虫


蚕虫嘅营养价值,唔洗讲出黎大家都知道喇!

富含丰富蛋白质,入口酥脆,野味又入味!

每日限量供应,黎早有黎迟想食都冇。


人气农家

同样最受街坊欢迎


黄埔炒蛋
来呢度吾食黄埔炒蛋,都可以算没来过!

蛋好滑好有蛋味,有D似拉肠,

嫩滑而不油腻的口感足以证明厨师的资深功力。

真心推荐

 
凉拌番薯叶

食咁多肉,当然要点番个青菜,清理下肠胃啦。

加D辣椒丝、陈醋、 和番薯叶一齐凉拌,

入口嫩嫩地、辣辣地又比较清爽,非常开胃~


水瓜香芋煮蚬肉


水瓜味道清甜,解暑去热,夏天经常食!

加埋香芋同蚬肉一起煮,味道鲜美,口感丰富!


姜葱炒鸡红

鸡红喺补血佳品之一,加埋姜、葱一齐炒,

食落完全冇腥味!

入口嫩滑、口感细腻、鲜香味美。



白灼支竹


白灼好考食材嘅品质,好嘅支竹就算白灼都和味,

再淋D洋葱、酱油等炒出黎嘅简单味料,

就可以叹支竹天然纯正嘅美味!

浓郁豆香味、口感鲜美!


野生塘葛菜煲鲗鱼


塘葛菜同野生鲗鱼一齐用瓦锅特别熬制而成!

味香汤鲜,养阴清热,健脾利水,清肝明目一级棒!

啱晒D平时做嘢忙,又熬夜唔够训嘅人啦,真喺要饮多两啖喇!


推荐理由

美味尽在民间,这话有一定道理。虽然内部装修一般(但去农庄食饭都吾系主要讲环境的啦!)有大自然田园风光,特色出品确实不错!主角烧鸡绝对推荐!蒜蓉蒸大蚬、黄埔炒蛋也是一流!人均45元,价格也比较合理,如果想食正宗嘅天然农家菜,又不想走太远,呢度确实系一个不错的选择。




正记园林美食

推荐菜:炭烧走地鸡、吊烧禾雀、蒜蓉蒸黄沙大蚬、禾虫煎蛋、酥炸鱼青丸、黄埔炒蛋

人均:45左右

电话:020-34088038、18928824480

地址:广州市海珠区新港东路石基村(黄埔古港)杨桃园5号(鱼塘边)


交通路线:

1.  开车

可以直接手机导航,开车至黄埔古港总站,外面有停车场可以停车哦。

2.  公交车

① 坐229路或者旅游公交3线到琶洲石基村(黄埔古港)总站下车;

② 落车后从公交站开始行,前面有个转弯位,右转弯。继续行,一直行到尽头。再右转行100米左右,会睇到正记大大嘅指示牌,往左转入巷,行40米左右。然后你就会睇到正记园林美食嘅招牌啦!


3.  地铁

万胜围地铁站B出口,坐229路或者旅游公交3线到琶洲石基村(黄埔古港)总站落车,又或者喺稳个摩的,告诉他到正记园林美食,一般都知道,价格大概喺6-8蚊,行入去会比较远,所以建议打摩的哦,不过要注意安全哈!

4.  有轨电车

顺便体验一番有轨电车,欣赏沿途美景。记得搭到万胜围站落,坐229路或者旅游公交3线到琶洲石基村(黄埔古港)总站落车,又或者喺稳个摩的到正记园林美食。

友情链接

Copyright © 湖南螃蟹烹饪联盟@2017