【周末好去处:大闸蟹膏疯会】

Q房網香港 2019-01-08 05:51:32



最近全城都講緊大閘蟹,雖然今年大閘蟹因為天氣問題有d失收,同埋遲左少少,但都無損一眾大閘蟹痴心fan屎對佢既熱愛,更加無損一眾食肆推出超抵大閘蟹放題搶客!今期Q仔順應民意,幫大家格左幾間大閘蟹放題同埋市面上激抵既大閘蟹零售,總知百貨百客,任君選擇!



【沙田帝都酒店-「滋味『蟹』逅」】今年帝都繼續推出尊貴大閘蟹放題,放題有4款唔同做法既大閘蟹,1. 清蒸─有原汁原味的蟹鮮、2. 麯酒─大蟹蒸熟後下紹興酒、五糧醇及香料浸,可以凍吃,有點像花雕醉蟹,入口冰涼,全隻都是酒香、3. 伯爵茶蒸─蟹鮮帶芬芳茶香、4. 松露醬炒-蟹膏伴松露,香上加香。


供應日期:2016年9月19日至11月30日

供應時間:晚市6pm-10pm

放題收費:星期一至四每位$438 / 星期五至日及公眾假期每位$468

地址:香港沙田白鶴汀街八號帝都酒店一樓

電話:2694 3939



【沙田帝都酒店-送你蟹肉雞蓉雪燕羹】帝都既大閘蟹,只用飽滿多膏既蟹公,而且隻隻都有3.8兩或以上,係正宗江蘇太湖蟹。

咁正仲係任點任食4小時,每次柯打,每款兩隻起,等10來分鐘就送到,絕對有充足時間慢慢食、慢慢拆。

 

而且放題每名客人都會奉送一碗蟹肉雞蓉雪燕羹,夠哂矜貴,仲有一杯薑茶解寒涼。都唔夠飽,亦可以加錢($68-$268)以特價柯打20多款小菜,包括蟹粉小籠包、雞粥、薑汁炒芥蘭、話梅花雕雪葩等等。



【尖沙咀帝苑酒店-老字號老三陽合作放題】銅鑼灣老三陽,如果係大閘蟹迷既你又點會冇聽過呢? 老饕客都一定幫襯過,雖然價錢貴少少,但係質素絕對唔會令你失望。今年帝苑酒店就睇中呢個老招牌有質素保證,帶比大家一個高質大閘蟹放題,因為大閘蟹隻隻由老三陽挑選,每隻平均有3.8至4両重,膏香四溢!

都一樣有4款唔同煮法既大閘蟹,包括油鹽水浸、避風塘炒、清蒸及鹽焗。Q仔覺得鹽焗最正!

供應日期:2016年10月6日至11月30日

供應時間:晚市6:30pm-10pm

放題收費:星期一至四每位$458 / 星期五至日及公眾假期每位$488

地址:尖沙咀麼地道69號帝苑酒店

電話:2733 2008



【尖沙咀帝苑酒店-蟹粉鍋鈀愈食愈想食!】除左大閘蟹,放題亦都位位奉送1份蟹肉腿茸雪燕羹,兼且無限量追加薑茶。

仲有可以用出血價$15品嚐西班牙火腿焗大閘蟹蓋,創意同惹味十足。

 

仲有D優惠價菜式,其中蟹粉鍋鈀超級好食!另外仲有蟹粉薑粒炒飯、頭抽煎走地雞等小菜。帝苑酒店貼心到出埋甜品,包括雪燕蛋白杏仁茶、薑茶湯丸、八寶桃膠茶及鴛鴦蝴蝶酥,食完蟹,以甜品作結,完美﹗



【皇冠假日酒店-大閘蟹膏瘋會】皇冠假日酒店既紫粵軒既大閘蟹放題已經第三年推出喇,真係聽到都知D蟹好味先做左3年仲咁受歡迎!佢既蟹全部選用太湖大閘蟹,每隻有成4至5両重(未烹調前之重量)架!

而且紫粵軒有成5種唔同煮法既大閘蟹,包括清蒸、風沙及冰鎮黃酒3種口味,另外仲新推出左「籠仔荷香蟹粉糯米蒸大閘蟹」、「燕窩蟹粉糯米蒸大閘蟹」兩種口味。都幾創新,真係食得多清蒸同酒浸都想試下新口味架!

供應日期:2016年9月19日至11月30日

放題收費:星期一至四$458,星期五至日及公眾假期$488

地址: 香港將軍澳唐德街3號2樓(港鐵將軍澳站C出口)

電話: 3983 0660 



【皇冠假日酒店-多款名貴前菜請你食】除左大閘蟹,紫粵軒仲送前菜比你食,包括話梅爽脆溫室白涼瓜、鮮人蔘陳年花雕醉雞、花菇鮑魚絲湯羹,以及棗皇薑茶各一客。今年仲特別泡製左三款自調蟹醋,包括山楂荔枝蟹醋、子薑酒糟蟹醋及秘製大閘蟹醋,梗有一款岩你口味,仲可以配搭唔同既鮮味!



【上海新大眾-分級數食豐儉由人】上海新大眾之前就攪左一個大閘蟹小姐,位就出哂喇,但未知佢既蟹又如何呢? 佢地都係用太湖蟹,Q仔覺得蟹味都算鮮甜,全部有哂出口證書,品質有一定安全保證,食得放心。客人可隨意柯打蟹公定蟹乸,各有風味。

今年新大眾就同舊年唔同,佢今年將蟹分成幾個唔同級數,收費亦都唔同,10點後入場仲有得再平DD!

地址:
元朗俊賢坊富來花園17-18號地鋪
美景街43號地下
飛鳳街46號地舖 (黃大仙消防局對面)
石硤尾邨平台10號舖 (堅記大排檔則)
敬業街69-71號利華科技中心地舖

電話:3954 5190/97444614

放題時間:6pm-1:15am
放題收費:
1. 3.5-4兩大閘蟹每位 $268

2. 4.5-5兩大閘蟹每位 $348

3. 5.5-6兩大閘蟹每位 $528



【上海新大眾-大閘蟹小食任點任食】新大眾除左大閘蟹之外,放題仲有4款蟹菜任點任食,包括蟹粉水餃,餃子內全部都係蟹肉,鮮甜得很,又有大閘蟹粥,超級好食,粥底蟹味澎湃,佈滿金黄蟹膏,另外仲有非常飽肚既蟹膏糯米飯,一定唔怕食唔飽。

仲有得任飲薑茶同埋5種汽水,不過建議飲多杯薑茶,因為大閘蟹始終寒涼丫嘛!



【蘇記大閘蟹-全城至平至出位大閘蟹放題火鍋!】蘇記係咁多間放題之中最平的,但又係咪代表佢既蟹唔正呢? 又唔係既,佢推出既大閘蟹放題+火鍋非常受歡迎,每日仲有30名限額可以激抵價98蚊享用!火鍋湯底有「胡椒豬骨大閘蟹鍋」及「花膠魚肚大閘蟹鍋」兩款,連配料都有成19種選擇!

佢用既都係太湖大閘蟹,大約3-4兩到,不過如果你撲到98蚊出血價,就算今年失收大閘蟹偏貴,但3-4兩蟹大約都係50蚊到,就算加埋一,其實你食三隻已經回本,仲有得打邊爐!

供應日期︰即日至11月8日

地址︰荃灣二陂坊13號;九龍灣啟業邨啟業街2號熟食亭

放題收費:
1. 出血價$98每日各店名額30個,先到先得,不設代領
2. 正價:

a. 3-4両蟹公+蟹乸   每位$238/10點後 $198

b. 4-5両蟹公+蟹乸    每位$328/10點後 $298



【成隆行-百幾蚊4隻爆膏大閘蟹】如果只係想小食滋味,唔想下下食放題咁大陣象,咁可以介紹你成隆行推出既激平優惠!宜家只需要係網上做一個簡單登記,即可以係一田百貨拎蟹!

睇個樣都已經好想食!
詳情請去成隆行facebook 專頁到查詢啦!



【賜你八字口訣揀絕世靚蟹!】自己買大閘蟹,當然要識貨揀隻靚蟹!宜家Q仔贈你8字真言:青背、白肚、金爪、黃毛,記住呢8個字,想食差既蟹都幾難喇!



【食大閘蟹7大宜忌】食大閘蟹除左講究季節天氣,亦非常講求養生。食大閘蟹必記7大宜忌!

宜:
1/ 配生薑

大閘蟹寒涼;薑屬熱性,有驅寒溫胃既作用,同時亦可以殺菌去腥同埋解毒。建議食大閘蟹時,放多D薑或薑末醋汁;餐後一定要飲薑茶(做法︰薑去皮削成片,與紅砂糖同煮約5分鐘,即成。)

 

2/ 呷醋

醫生建議,食大閘蟹前半小時,飲用一小半碗鎮江醋。因為醋有助分解蛋白質同埋刺激胃酸,幫助消化同埋減低敏感症狀。

(注意︰不適用於胃痛或胃酸過多人士。)

 

3/ 配清淡菜色

大閘蟹蛋白質含量高,雖然本身整體上脂肪唔多,但蟹膏膽固醇含量非常之高,所以應該配搭清淡蔬菜菜式,達致均衡飲食。

 

忌︰

1/ 以下人士不宜食用大閘蟹,包括︰

脾胃虛寒、皮膚敏感、腹痛、感冒未癒、膽固醇高、孕婦等。

 

2/ 飲凍飲

大閘蟹加上冰鎮飲料,好容易令胃部寒上加寒。

 

3/ 配柿

柿與蟹,由古代到宜家,都講話絕對唔可以同時進食。事關蟹肉含高蛋白質,柿含鞣質(植物細胞成分),一齊食會令蛋白質凝固,導致腹痛,嘔吐,甚至腸痙攣。

 

3/ 進食過量

「多吃壞肚皮」,一句到尾,食咩食得太多都係唔好既。

 

4/ 成隻食

首先,大閘蟹心臟係寒中之寒,不宜進食;其次,大閘蟹生活係淤泥之中,佢既鰓、胃及腸等都含有非常多細菌同致病微生物,千其咪食!


歡迎關注Q房網•香港

加盟熱線2996 1155

置業熱線2996 1188

按揭熱線2388 8484

Like Like

www.facebook.com/Qfanghk

友情链接

Copyright © 湖南螃蟹烹饪联盟@2017